Bul týraly Mádenıet jáne sport mınıstri Aqtoty Raıymqulovanyń jaqynda Ystanbulda ótken Korkut Ata Turkic World Film Festival aıasynda túrik arnasy ókilderimen kezdesýinen keıin belgili boldy. Kezdesýge «Qazaqfılm» kınostýdııasynyń basshylyǵy - prezıdent Aqan Sataev pen vıse-prezıdent Aıdar Batalov qatysty.
«Qorqyt ata» festıvaliniń shymyldyǵyn saltanatty túrde ashqan «Tomırıs» fılmi túrik jurtshylyǵyna jaqsy tanys ekenin aıta ketý kerek. Qyrkúıekte massaget patshaıymy týraly fılm Túrkııa kınoteatrlarynda kórsetilip, kórermenderdiń qyzyǵýshylyǵyn týǵyzǵan. Fılm Túrkııanyń 200-den asa kınoteatrlarynda kórsetildi.
Sonymen qatar, festıval aıasynda túrki álemi elderiniń kınematografııa salasyndaǵy yntymaqtastyǵyn damytýǵa jańa serpin beretin mańyzdy qujatqa qol qoıyldy. Kelisimge Mádenıet jáne sport mınıstri Aqtoty Raıymqulova, Ázerbaıjan Respýblıkasynyń Mádenıet mınıstri Anar Kerimov, Mádenıet, aqparat, sport jáne jastar saıasaty mınıstri Azamat Jamanqulov, «О́zbekkıno» ulttyq agenttiginiń bas dırektory Fırdavs Abdýhalıkov jáne Túrkııanyń mádenıet jáne týrızm mınıstri Mehmet Ersoı qol qoıdy.
Qujat aıasynda taraptar túrki álemi kınoındýstrııasyna qoldaý kórsetetin birlesken qor qurýǵa kelisti.
Sondaı-aq, festıval aıasynda Aqtoty Raıymqulova «Qazaqfılm» kınostýdııasynyń basshylyǵymen birge belgili túrik kınematografısterimen jáne festıval qatysýshylarymen kezdesip, birlesken kınojobalardy júzege asyrý máselelerin talqylady.
Eske salaıyq, bıyl Túrkııanyń mádenıet jáne týrızm mınıstrligi alǵash ret uıymdastyrǵan Korkut Ata Turkic World Film Festival-de 13 elden 42 kınokartına kórsetildi. Baıqaý baǵdarlamasynda «Qazaqfılmniń» kelesi fılmderi kórsetildi: rejısser Rústem Ábdirashovtyń «Qazaq handyǵy. Altyn taq» derekti fılmi, rejısser Baqyt Qaıyrbekovtyń «Ogon, mersaıýshıı v sosýde» derekti fılmi, rejısser Adaı Ábeldınovtyń «Kúltegin» tolyq metrajdy anımasııalyq fılmi, rejısser Satybaldy Narymbetovtyń «Amanat» kınotaspasy jáne t.b. bar.
Festıvaldiń saltanatty jabylý rásimi kezinde "Qazaqfılm" kınostýdııasy túrki álemi kınematografııasyna qosqan úlesi úshin arnaıy syılyqpen marapattaldy. Belgili túrik aktrısasy Fahrıe Evdjen kınostýdııa prezıdenti Aqan Sataevqa Respect Award músinshesin tabystady.
